შექმენით შთამბეჭდავი გეოლოგიური ექსპოზიცია LEGO® Ideas Mineral Collection-ით
მინერალები ბუნებრივი სამყაროს ერთ-ერთი ყველაზე ლამაზი და იდუმალი ქმნილებაა. მილიონობით წლის განმავლობაში ფორმირებული ისინი გამოირჩევიან ფორმებისა და ფერების უსასრულო მრავალფეროვნებით. მათი გამორჩეული გეომეტრიული სტრუქტურა იდეალურად ერგება LEGO® კუბიკებს, ამიტომაც, როდესაც გულშემატკივრებმა LEGO Ideas Mineral Collection იხილეს, ნაკრებმა სწრაფად მოაგროვა საჭირო ათი ათასი ხმა.
თავდაპირველად ეს ახალი ნაკრები LEGO Ideas-ზე შექმნა და წარადგინა ფან-დიზაინერმა დარიო დელ ფრატემ, მეტსახელად ddf72. ნაკრები მოიცავს კუბიკებით აშენებულ მოდელებს: ოქროსფერ პირიტს, იასამნისფერ ამეთვისტოს, მოწითალო-ვარდისფერ როდოქროზიტს, ლურჯ ფლუორიტს, საზამთროსფერი ტურმალინს და მანდარინისფერ კვარცს. მათი გამოფენა შესაძლებელია როგორც ერთად, ისე ცალ-ცალკე.
როდესაც დასრულებულ ნაკრებს (ვერ შევიკავეთ თავი) LEGO Ideas Mineral Collection-ს ვამატებდით, LEGO Group-ის კრეატიულ ლიდერს, ჯორდან სკოტს გავესაუბრეთ, რათა ამ შთამბეჭდავი ახალი ნაკრების შესახებ უფრო მეტი გაგვეგო.
დიზაინის პროცესი, რომელიც მილიონობით წლის განმავლობაში ყალიბდებოდა
ნაკრებში წარმოდგენილი თითოეული მინერალი რეალურ მინერალს ეფუძნება, რომელთაგან ზოგი მილიონობით, ზოგიც მილიარდობით წლის წინ არის ჩამოყალიბებული. ამ ნაკრებს კი შეიძლება თამამად ეწოდოს ყველაზე „უძველესი“ თემა ყველა იმ ნაკრებს შორის, რაც ოდესმე გამოგვიშვია.
ჩვენ ჯორდანს ვკითხეთ, რამდენად იცნობდა მინერალებს ამ ნაკრებზე მუშაობის დაწყებამდე.
„მინერალების შესახებ ძალიან მწირი ცოდნა მქონდა, თუმცა ყოველთვის სიამოვნებით ვსტუმრობ მუზეუმებში არსებულ კოლექციებს, როცა ამის შესაძლებლობა მაქვს,“ — ამბობს ის. „ვცდილობდი თითოეული მინერალი დეტალურად შემესწავლა: როგორ იზრდება, რა გამორჩეული თვისებები აქვს, ფერის რა ვარიანტები არსებობს და ა.შ., რათა სრულად გამეგო, რამდენად უნიკალურია თითოეული მათგანი.“
რა თქმა უნდა, ის ასევე აღიარებს, რომ საბოლოო, „გაპრიალებულ“ (ამაზე ისევ ვერ შევიკავე თავი) ვერსიაში დიდი დახმარება მიიღო ფან-დიზაინერისგან, დარიო დელ ფრატესგან.
„როდესაც ორიგინალური ნამუშევარი ვიხილეთ, ნამდვილად გაოცებულები დავრჩით, თუ როგორი ოსტატობით მოახერხა მინერალების რთული დეტალებისა და ფერების გადმოცემა,“ — ამბობს ჯორდანი. „მის მეორე წარდგენა, რომელზეც საბოლოოდ გავამახვილეთ ყურადღება, მოიცავდა ელეგანტურ საგამოფენო სადგამს, რომელმაც მინერალები სრულიად ახალ დონეზე აიყვანა. ნამდვილად შეიძლება წარმოიდგინო, როგორ იდგება ეს ნაკრები შენს სახლში.“
მაგრამ ამის შემდეგაც ჯერ კიდევ ბევრი სამუშაო რჩებოდა შესასრულებელი. ამიტომ ჯორდანს ვთხოვეთ, დეტალურად აეხსნა დიზაინის პროცესი, განსაკუთრებით ის, თუ როგორ შეძლო თითოეული მინერალის დამახასიათებელი ფერების, ფორმებისა და გამჭვირვალობის გადმოცემა.
„თითოეულ მინერალს ოდნავ განსხვავებული მიდგომა სჭირდებოდა,“ — ამბობს ის. „გამოწვევა იყო იმის გააზრება, თუ როგორ შეიკვრებოდა ყველაფერი ერთიან და ჰარმონიულ მთლიანობად ისე, რომ ერთდროულად ყოფილიყო კონსტრუქციულად მყარი, ფერებისა და ფორმების მიხედვით ზუსტი და ამასთანავე სახალისო ასაწყობად.“
დროთა განმავლობაში მინერალებმა თანდათან მიიღეს საბოლოო ფორმა. თუმცა ეს ნაკრები მხოლოდ გეოლოგიის ფორმებისა და გეომეტრიის გადმოცემაზე არ არის ორიენტირებული — ის ასევე ნათელი და გამორჩეული ფერების აღბეჭდვას ეხება.
„უნდა გვეპოვა სწორი ფერები, რომლებიც ერთმანეთზე ფენებად დაედება და ახალ, დახვეწილ ტონებს შექმნის,“ — ამბობს ჯორდანი. „ტურმალინი განსაკუთრებით რთული აღმოჩნდა ასაწყობად ისე, რომ ახალი კუბიკის შექმნა არ დაგვჭირვებოდა, ამიტომაც შევქმენით ის. ამ დეტალს ამ პროდუქტის ფარგლებს მიღმაც უამრავი გამოყენება აქვს, რაც მას ჩვენი კოლექციისთვის ძალიან საინტერესო დამატებად აქცევს.“
მართლა ასეა. ამდენი სამუშაოს შემდეგ გვაინტერესებდა, რამდენად განსხვავდებოდა საბოლოო დიზაინი ფან-დიზაინერის თავდაპირველი ნამუშევრისგან.
„დარიოს ორიგინალურ ვერსიასთან შედარებით, ერთი მინერალი მთლიანად შევცვალეთ, დანარჩენები კი ოდნავ დავხვეწეთ,“ — ამბობს ჯორდანი. „დარიოს ჰქონდა ტურმალინი, თუმცა ის შავ-თეთრ სტილში იყო შექმნილი და ჩვენს შავ შეფუთვაზე ასე გამოკვეთილად არ გამოჩნდებოდა, ამიტომ მეტი ფერის შეტანა გადავწყვიტეთ და არჩევანი საზამთროსფერ ტურმალინზე გავაკეთეთ, რომელსაც ვარდისფერიდან მწვანემდე გადასული ულამაზესი გრადაცია აქვს. რადგან მწვანე ტონი უკვე დაფარული გვქონდა, ზურმუხტის ნაცვლად ფლუორიტი შევარჩიეთ, რათა ლურჯი ტონი მეტად გამოკვეთილიყო. ფლუორიტი ერთ-ერთი ის მინერალია, რომელიც თითქმის სრულად გამჭვირვალე შეიძლება იყოს. გამჭვირვალე ლურჯის ქვეშ ფირუზისა და იასამნისფრის ფენებად დალაგებამ საოცარი ტონი შექმნა, ხოლო ახალმა კუთხოვანმა კუბიკებმა დინამიკური ფორმა შესძინა.“
ნაკრები, რომელიც ნებისმიერ თაროზე შთამბეჭდავად გამოიყურება
LEGO Ideas Mineral Collection შესაძლებელია ერთად გამოფინდეს, თუმცა დამოუკიდებელი თაროების სისტემა გაძლევთ საშუალებას ელემენტები ისე დაალაგოთ, როგორც თავად გსურთ, ხოლო მინერალების გადანაცვლებით სხვადასხვა თაროზე შეგიძლიათ მუდმივად შეცვალოთ ექსპოზიციის იერი.
დასასრულს, ჯორდანს ვკითხეთ, რომელი ნაწილი იყო მისი ფავორიტი ამ ნაკრებში.
„ჩემი საყვარელი ნაწილი, ალბათ, ტურმალინია, რადგან LEGO კუბიკებით მისი ფერის ზუსტად გადმოცემა დიდი გამოწვევა იყო,“ — ამბობს ის. „ის ასევე წარმოაჩენს ახალ კუბიკს, რამდენიმე ახალ ფერთა ცვლილებას და მიუხედავად იმისა, რომ მშენებლობის ტექნიკით სხვებთან შედარებით ყველაზე რთული არ არის, სინათლეს საოცრად ლამაზად ირეკლავს.“
თუ ეს ყველაფერი თქვენს სახლს ზუსტად ისაა, რაც აკლია, დროა შეიძინოთ LEGO Ideas Mineral Collection.
